Azərbaycan İnternet Forumunun prezidenti Osman Gündüz Dövlət Gömrük Komitəsinin ölkəyə qanunsuz mobil telefon gətirən şəbəkəyə qarşı mübarizəsindən yazıb.
 
FED.az-ın məlumatına görə, O.Gündüz “Facebook” sosial şəbəkəsindəki səhifəsində yazıb ki, Dövlət Gömrük Komitəsinin "Azərpoçt"da qərargah qurub kommersiya məqsədilə telefon gətirənlərə qarşı “müharibə” elan etməsindən sonrakı vəziyyət belədir :

ELƏCƏ DƏ BAX: "BakıKart"la bağlı – MÜHÜM YENİLİK

1. DGK-nın burada gömrük rəsmiləşdirməsini həyata keçirən ilk komandası həbs olunub;

2. Şəxsi məqsəd adı altında kommersiya məqsədləri üçün telefon gətirənlərin bir qismi aşkar olunub, bir xeyli telefonlar gömrük rəsmiləşdirilməsinə cəlb edilib və bununla bağlı təhqiqatlar aparılır;

3. Elekron ticarətə zərbə vurulub. E-ticarət yolu ilə xaricdən elektron avadanlıqlar sifariş edən regionlardakı adi vətəndaşlar malı almaq üçün Bakıya- Azərpoçtdakı həmin qərargaha gəlməlidirlər;

4. "Azərpoçt"-un buradakı fəaliyyəti demək olar ki dayandırılıb;

6. Mobil telefon bazarında hökmranlıq edən şirkətlərin lobbiçiliyi ilə qəbul edilən NK-nın mobil telefonların qeydiyyat rüsumu ilə bağlı absurd qərarından ( qeydiyyat rüsumu 30 dəfəyədək qaldırılıb) sonra büdcəyə xeyli vəsaitlər daxil olub; 

7. Mobil telefon bazarında telefonların qiyməti xeyli qalxıb;

8. DGK-nın yeni komandası hələlik "Azərpoçt"-da fəaliyyətini davam etdirir; 

9. Mobil telefon qaçaqmalçılığı ilə bağlı problem həll olunmayıb.