“Microsoft”un verdiyi açıqlamada, “Android” və “İOS” istifadəçiləri tərəfindən istifadə edilən "Outlook on Web” mobil tətbiqi mağazalardan yığışdırılacağı qeyd olunub.

FED.az xəbər verir ki, e-mail xidməti göstərən “Outlook on the Web” (OWA) tətbiqi gələn aydan etibarən elektron proqram mağazalarından yığışdırılacaq və istifadəçilər mobil istiqamətdə inkişaf etdirilmiş “Outlook” tətbiqinə yönləndiriləcək. İş dünyası tərəfindən intensiv olaraq istifadə edilən “Outlook” e-poçt xidmətinin veb variantı mobil cihazlara uyğun şəkildə proqramlaşdırıldığı üçün istifadəçi üstünlüyü qazanmışdı.

“Microsoft”, bu tətbiqin əvəzinə “Android” ve “iOS” üçün mobil istiqamətdə formalaşdırılmış mobil “Outlook” tətbiqini yayımlayacaq.
OWA, aprel ayında “Google Play” və “Apple App Store”dan yığışdırılacaq və “Microsoft” bu tətbiqi dəstəkləməyəcək. İstifadəçilər bu tətbiqdən may ayına qədər istifadə edə biləcəklər.