İKT

“Lider” TV işçilərinə 2 ayda cəmi - 150 AZN MAAŞ VERİB

“Lider” TV işçilərinə 2 ayda cəmi - 150 AZN MAAŞ VERİB | FED.az
14:40 11 May 2020

“Lider” TV-nin bütün əməkdaşları işdən kənarlaşdırılıb.

Eləcə də bax: "Telekanal 30 gün yayımlanmasa yayımı - DAYANDIRA BİLƏRİK"

FED.az xəbər verir ki, telekanal əməkdaşları kanal rəhbərliyi onlara öz hesablarına üç aylıq məzuniyyətə çıxmaları barədə ərizə yazmalarını tapşırıb. Əməkdaşlar isə işlərini itirməkdən qorxduqları üçün tapşırığa əməl etmək məcburiyyətində qalıblar.  

Əldə etdiyimiz məlumata görə, işçilərin 90 faizindən ərizələr alınıb. Kanalda texniki heyətin kiçik bir qismi saxlanılıb. Bütün layihələr dayandırılıb, efirin isə köhnə veriliş və filmlərlə doldurulacağı planlaşdırılır.

Telekanal əməkdaşlarının sözlərinə görə, bu qəfil qərarın verilməsinə səbəb “Lider” TV-dəki maliyyə problemləridir. Rəhbərlik telekanalın büdcəsini düzgün idarə edə bilmədiyi üçün çıxış yolu olaraq, işçiləri işdən kənarlaşdırmağı uyğun bilib. Artıq 4 aydır kanalda tam maaş verilmir. İşçilərə mart ayında 100, apreldə isə cəmi 50 manat maaş verilib.

Məlumatda o da bildirilir ki, kanalın gələcəyi ilə bağlı iki seçim üzərində düşünülür. Birincisi, kanal rəhbərliyinin tamamilə dəyişdirilməsi. İkincisi, “Lider” TV-nin tam olaraq bağlanması. Buna səbəb kimi isə bu günə qədər kanalda aparılan bütün islahatların, layihələrin, kadr yenilənmələrinin uğursuz alınması göstərilir.

“BakuPost”

Digər xəbərlər

Banner