Ödəniş kartlarının düzgün olmayan istifadəsi istənilən yerdə risk yarada bilər.
«Alış-veriş zamanı debet və kredit kartlarına üstünlük verin» – MÜSAHİBƏ
FED.az xəbər verir ki, bu barədə Azərbaycan Banklar Assosiasiyasının (ABA) nəzdində fəaliyyət göstərən “İT və İT Təhlükəsizlik üzrə Ekspert Qrupu”nun üzvü, rəqəmsal transformasiya və kibertəhlükəsizlik üzrə mütəxəssis İlqar Əliyev bildirib.
Onun sözlərinə görə, kartla davranışda əsas risk kartın və ya kart məlumatlarının yad əllərə keçməsidir. Kartlardan sui-istifadə üzrə müxtəlif hallar ola bilər. Biz kartı cibimizdən çıxardıqda və məlumatlarından istifadə etməyə başlamazdan öncə ehtimal olunan riksləri düşünməliyik. Problem yaranmaması üçün əsasən aşağıdakı təhlükəsizlik tədbirləri görülməlidir:
– Bank kartını tanımadığınız adamlara etibar edilməməsi;
– ATM-lərdə kart istifadəsinin digər şəxslər tərəfindən müşahidə olunmasına imkan verilməməsi;
– Ödəniş kartlarına limitlərin tətbiq edilməsi;
– Kart məlumatlarının (PIN kodu, nömrə və s.) telefona, kompüterə yazılmaması;
– Bank kartlarına SMS bildirişlərinin tətbiq edilməsi;
– Əmək haqqı kartlarından alış-veriş zamanı istifadə edilməməsi;
– İnternetdə və ya fiziki alış-veriş zamanı limit çərçivəsində debit/kredit kartlarından istifadə edilməsi;
– İnternetdə alış-verişin ancaq tanınmış və həqiqi veb-portallardan edilməsi;
– Bank adından kart məlumatlarının sorğulanmasına şübhəli yanaşma (Bank heç vaxt kart məlumatlarını detallı soruşmur);
– Rəqəmsal cüzdanlardan (Mobil telefon vasitəsilə ödəmə və digər) istifadə;
– Kart məlumatlarının sosial şəbəkə üzərindən kənar şəxslərə bildirilməməsi;
– NFC funksionallığı olan kartın folqalı xüsusi cüzdanlarda saxlanılması;
– Şübhəli hal müşahidə etdikdə kartın bloklanması (bütün kartlarda müvafiq telefon nömrəsi və ya mobil tətbiqlərdə bu funksionallıq mövcuddur).
