Elektronika mağazalar şəbəkəsinə malik olan “İrşad Electronics”in İdarə Heyətinin sədri dəyişir.
Eləcə də bax: "Optimal Elektronika"nı “Music Gallery” şirkətinə dəyişdi - YENİ TƏYİNAT - FOTO
FED.az biznes və maliyyə xəbərləri portalı Banker.az-a istinadən xəbər verir ki, şirkət rəsmi olaraq Aris Şıxəliyev tərəfindən idarə ediləcək.
O, bu vəzifədə Azad Məmmədovu əvəz edib.
Aris Şıxəliyev 2013-cü ildən bu cari ilin dekabrına qədər “İrşad Elektronics” MMC-də Satış və xidmət departamentinin direktoru və həmçinin, İdarə Heyətinin üzvi vəzifəsində çalışırdı.
“İrşad Electronics” 2000-ci ildə Bakıda yaradılıb, fəaliyyətə başlayıb. 2003-cü ildən etibarən regionlarda da şəbəkəsini genişləndirib. 2007-ci ilin sonunda “I&R Telecom” rebrendinq edərək “İrşad Telecom” adı altında fəaliyyətini davam etdirib.
2018-ci ildən şirkət məişət texnikası və elektronika məhsullarının satışını genişləndirdiyi üçün “İrşad Electronics” adı ilə, 2021-ci ildən etibarən isə məhsul kateqoriyalarının genişlənməsi ilə “İrşad” brendinə keçid edərək yeni korporativ stildə çıxış edir.
