Dünyada süni intellektin ən praktiki tətbiq formalarından biri olan insanabənzər robotların (humanoidlərin) istehsalı sürətlə artır.

Robotlar rəqs edir, pullar axır: Humanoid robot istehsalçısının səhmləri - Şanxay birjasında 542% bahalaşıb

FED.az xəbər verir ki, təkcə 2026-cı ilin ilk yarısında dünyada 22 mindən artıq belə robot buraxılıb. Bu illik müqayisədə 4 dəfə və ya 300% artıqdır. Çin mənbələri bu rəqəmin daha böyük olduğunu bildirirlər, onların fikrincə bu il təkcə Çində 30 min robot istehsal edilərək satılıb.

Ümumilikdə 2026-cı il üçün proqnozlar bu il dünyada 50-85 min ədəd robot buraxılacağını göstərir.

Hələlik robot bazarının böyük hissəsni Çin şirkətləri tutur – «Agibot» və «Unitree» şirkətləri birlikdə dünyada buraxılan robotların 75%-ni istehsal edirlər.

«Counterpoint»in yeni rəqəmlərinə əsasən «Agibot» şirkəti təxminən 9 700 ədəd robot buraxaraq bazarda 43% payla birinci yeri tutub. «Unitree» isə 7 000-dən çox robot və 31% payla ikinci yeri tutur.

Yeri gəlmişkən, məhz bu vəziyyət sayəsində «Unitree» şirkətinin sonuncu IPO-su investorların inamını əks etdirən böyük 629% artımla nəticələnib.

«Counterpoint» hesabatına görə, planetin ən çox satılan robot şirkətləri bunlardır:

Humanoidlərin sayı ilə yanaşı, digər maraqlı məsələ, robotların necə istifadə edilməsidir. Hələlik ilkin məlumatlara görə, robotların böyük hissəsi əyləncə və tədqiqat işləri üçün istifadə edilir. Belələri ümumi sayın 60%-ni təşkil edir.   

Rəqəmlərdən göründüyü kimi, robotların 19%-i xidmət və konsaltinq sahəsində, 13%-i ağıllı istehsal sahəsində, cəmi 5%-i isə anbar və logistika sahəsində - gələcəkdə bu sahələr humanoid robotlar üçün əsas bazar olacaq – çalışırlar.

İlkin qiymətləndirmələrə görə, 2026-cı ildə dünyada 50 mindən artıq robot buraxılacaq, bu 210% artım deməkdir. Amma digər proqnozlarda bu rəqəmin 85 min ədəd olması gözlənilir.