İKT

İndiyədək 8103-ə göndərilən SMS-lərin sayı - AÇIQLANDI

İndiyədək 8103-ə göndərilən SMS-lərin sayı - AÇIQLANDI | FED.az
15:35 13 Aprel 2020

Bu günə qədər 8103 qısa nömrəsinə göndərilən SMS-lərin sayı məlum olub.

FED.az xəbər verir ki, bu barədə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Elektron Hökumətin İnkişafı Mərkəzinin direktoru Fariz Cəfərov "Real" tv-nin efirində deyib.

Eləcə də bax: Yasa getmək adı ilə 8103-ə yalan mesaj yazan - 56 NƏFƏR CƏZALANDIRILDI

Onun sözlərinə görə, bu günə kimi 8103 qısa nömrəsinə 8,2 milyon SMS göndərilib:

“Bunların da təqribən 64 faizinə müsbət cavab verilib. İlk günlərdə təqribən 62 faiz SMS yanlış format, aidiyyəti olmayan sözlərlə göndərilmişdi. Bu faiz get-gedə düzəlmək üzrədir. Son günlərin - dünən və bu günün statistikasına baxanda müsbət cavalandırma 80 faiz təşkil edib. İlk günlərdə isə sui-istifadə halları olurdu, yəni müəyyən nalayiq sözlər yazan və ya aidiyyəti olmayan ifadələrlə SMS göndərən şəxslər var idi. Daxili İşlər Nazirliyi tərəfindən də həmin şəxslər barəsində müəyyən tədbirlər görülür”. 

Report

Digər xəbərlər

Banner