"DarkMatter Group" şirkəti "KATIM R01" smartfonunu təqdim edib.
FED.az xəbər verir ki, şirkət nümayəndələrinin sözlərinə görə, bu, dünyada ən təhlükəsiz mobil qurğudur.
Bildirilir ki, satışa çıxarılan əksər təhlükəsiz mobil qurğulardan fərqli olan "KATIM R01" smartfonu həm fiziki təsirdən, həm də müdaxilədən mühafizə olunub.
Eləcə də bax: Mobil telefonun qeydiyyatına ödənilən pul kimə çatır? – SİYAHI, MƏBLƏĞ

Şirkət mühəndisləri smartfonun informasiya təhlükəsizliyi məsələlərinə xüsusi diqqət yetiriblər.
Yeni smartfon "Qualcomm Snapdragon 845" birkristallı sistemi, 4 giqabaytlıq operativ yaddaş, 128 giqabaytlıq quraşdırılmış yaddaş, 5600 milliamper/saat tutumlu akkumulyator batareyası ilə təchiz edilib.
Lakin 5,64 düym diaqonallı smartfon "IP68" standartı üzrə mühafizəsi, beşinci nəsil "Gorilla" şüşəsi ilə örtülməklə toxunuşa əlcəklə və ya nəm əllərlə reaksiya verən ekran, eləcə də icazəsiz müdaxiləyə cəhd zamanı bütün məlumatları silən funksiya ilə seçilir.
Smartfona xüsusi temperatur və rütubət ötürücüləri quraşdırılıb. Bundan başqa, qurğu əvvəlcədən qeyd edilən nömrəyə onun "GPS" koordinatlarını göndərməyə imkan verən "SOS" klavişinə malikdir. "KATIM R01" smartfonunun əsas müştəriləri hərbçilər, eləcə də ekstremal vəziyyətlərə düşən insanlar olacaq.