Bu gün Bakıda dünyanın 180 ölkəsində 280000-dən çox şirkətin istifadə etdiyi, 90-dan çox IT məhsulu ilə müştərilərin rəğbətini qazanmış “ManageEngine” şirkətinin qlobal tədbirlərindən biri təşkil edilib. Qeyd edək ki, bu tədbir indiyədək dünyanın ABŞ, London, İtaliya, İspaniya, Sinqapur, Kanada və digər ölkələrdə hər il “ITCON” adı altında təşkil edilir.
Bu kimi beynəlxalq tədbirlərin davamı olaraq 11 aprel tarixində, Hilton otelində “Rabalon” şirkətinin “ManageEngine” şirkəti ilə əməkdaşlığı çərçivəsində Azərbaycanda ilk dəfə olaraq “ITCON Azerbaijan 2023” adlı tədbiri baş tutub.
FED.az xəbər verir ki, tədbirdə dövlət qurumları, banklar və özəl şirkətlərdən dəvət olunmuş 150-dən çox qonaq qatılıb. Beynəlxalq tədbirə özəl şirkətlərlə yanaşı, Azərbaycan Respublikası Rəqəmsal İnkisaf və Nəqliyyat, İqtisadiyyat, Fövqaladə Hallar, Maliyyə, Təhsil Nazirliyi, İnnovasiya və Rəqəmsal İnkişaf Mərkəzi, Mərkəzi Bank, Azərbaycan Kibertəhlükəsizlik Təşkilatları Assosasiyasının (AKTA), KOBİA, Azərbaycan Turizm Agentliyi,TƏBİB, Azintelecom, ADY və digər dövlət qurumlarının nümayəndələri, həmçinin IT və kibertəhlükəsizlik sahəsi üzrə mütəxəssislər iştirak edib.
Tədbir zamanı iştirakçılara “ManageEngine” şirkətinin “Service Desk”, “End Point Central”, “OP Manager” kimi populyar məhsulları təqdim edilib. Bildirilib ki, bu məhsullar informasiya texnologiyaları sahəsində biznes proseslərinin avtomatlaşdırılmasında və kibertəhlükəsizliyin qorunması istiqamətində şirkətlərin faydalı iş əmsalını artırır. Hazırda Azərbaycanda fəaliyyət göstərən bir çox qurumlar “ManageEngine” şirkətinin məhsullarından yararlanır.
Qeyd edək ki, “Rabalon” şirkətinin “ManageEngine” kimi dünya miqyasında xüsusi yeri olan şirkətlə ölkəmizdə mötəbər bir tədbirə ev sahibliyi etməsi İnformasiya texnologiyaları sahəsinə ölkə başçısının göstərdiyi xüsusi diqqət və qayğıdan xəbər verir.
Tədbirin təşkilatçısı olan “Rabalon” şirkəti, “ManageEngin”in Azərbaycanda rəsmi tərəfdaşıdır. “ManageEngine” şirkəti müştəri məmnuniyyəti və satış üzrə “Gartner”də dünya lideridir.
Xatırladaq ki, 15 illik təcrübəyə malik olan, dünyanın bir çox vendorları ilə əməkdaşlıq edən “Rabalon” IT sahəsində fəaliyyət göstərən inteqrator şirkətdir. “Rabalon” ABŞ ofisi də daxil olmaqla şirkətlərə çoxölçülü IT konsaltinq xidmətləri, peşəkar və innovativ həllər təqdim edir
