“Bakcell” şirkəti abunəçilərin böyük həcmdə internet trafikinə artan tələbatını ödəmək məqsədilə yeni internet paketini istifadəyə verib.
Eləcə də bax: "Bakcell" Binədə yaşayan aztəminatlı ailələrə - ƏRZAQ YARDIMI EDİB
Şirkətdən FED.az-a verilən məlumata görə, yeni “20 GB + gecədən səhərə Limitsiz İnternet” paketini 25 manata əldə edən “Bakcell” abunəçiləri 20 GB trafiklə yanaşı, gecə saat 01:00-dan səhər 10:00-dək limitsiz internetdən yararlanacaqlar. Bundan əlavə, paketin aktivləşdirildiyi gündən başlayaraq 30 gün ərzində paketin əsas trafik həcmi (20 GB) bitsə belə, internet istifadəsi gecə və səhərlər limitsiz qalacaq.
“20 GB + gecədən səhərə Limitsiz İnternet” paketini *444*20# YES kodu vasitəsilə, eyni zamanda mobil nömrənin balansına və trafik qalığına daha rahat şəkildə nəzarət imkanı verən “Mənim Bakcellim” tətbiqetməsinin müvafiq bölməsinə daxil olaraq aktivləşdirmək mümkündür.
“Bakcell” şirkəti məhsul və xidmətlərinin keyfiyyətini müntəzəm qaydada artırmaqla abunəçilərinə daha yaxşı müştəri təcrübəsi təqdim edəcək. Bunun üçün Azərbaycanın ən sürətli mobil şəbəkəsinin bütün texniki imkanları mövcuddur.
