İnnovasiya lideri Bakcell Novruz bayramı ərəfəsində media nümayəndələrini İçərişəhərdə xüsusi görüşdə bir araya gətirib.

FED.az biznes və maliyyə xəbərləri portalı xəbər verir ki, tədbir çərçivəsində dulusçuluq üzrə ustad dərsi keçirilib.

Ustad dərsi zamanı iştirakçılar Azərbaycanın ənənəvi sənətkarlıq nümunələrindən biri olan dulusçuluq sənətinin incəlikləri ilə tanış olub, yaradıcılıqlarını və fərdi baxışlarını əks etdirən əl işləri hazırlayıblar. Tədbir media nümayəndələri üçün həm yaradıcılıq mühiti, həm də qeyri-rəsmi ünsiyyət imkanı yaradıb.

Qeyd edək ki, Bakcell media nümayəndələri ilə sıx əməkdaşlıq edərək bu istiqamətdə müxtəlif təşəbbüslər həyata keçirir.

Bakcell haqqında

Bakcell Azərbaycanın ilk və ən böyük özəl telekommunikasiya şirkətidir. Hazırda şirkət üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Ölkə iqtisadiyyatının qeyri-neft sektorunun ən böyük investorlarından biri olan Bakcell süni intellekt əsaslı innovativ həllərlə Azərbaycanın dayanıqlı inkişafına töhfə verir.

Bakcell müxtəlif ölkələrdə telekommunikasiya, enerji, yüksək texnologiyalar və tikinti sahələrində fəaliyyət göstərən "NEQSOL Holding" beynəlxalq şirkətlər qrupunun tərkibinə daxildir.