Azərbaycan Respublikasının Silahlı Qüvvələrinə Yardım Fonduna ianələr edilməklə ordumuza və dövlətimizə dəstək kampaniyasına başlanılıb.

Nəqliyyat, Rabitə və Yüksək Texnologiyalar Nazirliyindən FED.az-a bildirilib ki, “Azərpoçt” MMC Silahlı Qüvvələrə Yardım Fonduna ianələrin qəbulunu həyata keçirir. İanələrin qəbulu nazirliyinin tabeliyində fəaliyyət göstərən “Azərpoçt” MMC-nin bütün poçt şöbələri ilə yanaşı, "Şəbəkə" xidmət mərkəzlərində də həyata keçirilir.

Bildirilib ki, qurumlar və fiziki şəxslər tərəfindən köçürülən vəsaitlərə görə xidmət haqqı nəzərdə tutulmayıb.

Qeyd edək ki, bu ödənişlərin ləğv imkanı yoxdur.

İanələr hüquqi şəxslər tərəfindən edildikdə sistemə təşkilatın VÖEN-i, fiziki şəxslər tərəfindən isə şəxsiyyət vəsiqəsinin nömrəsi daxil edilməklə icra olunur.