«Azercell» şirkəti özünü yeni NNTV xidmətinin qiymətini açıqlayıb. FED.az xəbər verir ki, bu xidmət vasitəsilə istifadəçiər NNTV mobil tətbiqini smartfona yükləyərək dünyanın ən məşhur 150 kanalını smartfondan izləyə bilərlər. NNTV tətbiqini Google Play (Android) və App Store (iPhone) platfomalarından yükləmək olar.
Şirkətdən FED.az-a bildirilib ki, Mobil TV xidməti günlük və ya aylıq ödəmə formatında təqdim edilir. İstifadəçi özünə uyğun abunəni seçə bilər.
Aylıq (30 gün) paketin qiyməti 5 manat, gündəlik paketin qiyməti isə 20 qəpikdir. Qiymətlərə ƏDV daxildir.
Aylıq paketi aktiv etmək üçün: AY, günlük paketi aktiv etmək üçün: GUN yazıb 5773 nömrəsinə göndərmək kifayətdir.
