2022-ci ilin yanvar-iyun aylarında “Azərkosmos” ASC tərəfindən 13,1 milyon dollar dəyərində xidmət (peyk telekommunikasiya xidmətləri və optik peyk xidmətləri) ixrac edilib.
Eləcə də bax: "Azərkosmos" İtaliyanın “Leaf Space” şirkəti ilə əməkdaşlıq müqaviləsi - İMZALAYIB
Trend-in İqtisadi İslahatların Təhlili və Kommunikasiya Mərkəzinin “İxrac İcmalı”nın iyun sayına istinadən məlumatına görə, “Azərkosmos” ASC-nin xidmət ixracından əldə etdiyi gəlir onun ümumi gəlirlərinin 87 faizini təşkil edib.
2022-ci ilin iyun ayında isə “Azərkosmos” ASC dünyanın 32 ölkəsinə 2,3 milyon dollar dəyərində xidmət ixrac edib.
2022-ci ilin yanvar-iyun ayları ərzində peyk telekommunikasiya və optik peyk xidmətlərinin ixracının ilk beşliyində isə 3,3 milyon dollar ilə Böyük Britaniya, 2,8 milyon dollar ilə Fransa, 2,2 milyon dollar ilə Lüksemburq, 1,2 milyon dollar ilə BƏƏ və 0,7 milyon dollar ilə Pakistan qərarlaşıb. (Trend)
