Azərbaycanda ödənişsiz VPN (Virtual Private Network – Virtual Özəl Şəbəkə) xidmətləri istifadəçilərin şəxsi məlumatlarının satışı ilə gəlir əldə edir.

FED.az xəbər verir ki, bu barədə İnnovasiya Agentliyinin məlumatında deyilir

Qeyd olunub ki, bu tipli şirkətlərin çoxunun məqsədi təhlükəsizlik və məlumatlarınızın qorunması deyil, "pulsuz" xidmət vasitəsi ilə mümkün qədər çox istifadəçi cəlb edib, onların şəxsi məlumatlarını satmaqdır. VPN texnologiyası vasitəsi ilə internetə çıxış aralıq server vasitəsilə həyata keçirilir.

Əlavə olaraq bildirilib ki, ödənişsiz VPN-lər üzərindən gələn trafik dəyişdirilərək istifadəçi cihazına istənilən zərərli proqram təminatı və arzuolunmaz reklam yerləşdirilə bilər. Məhz buna görə onlardan istifadə etmək tövsiyə olunmur. (Apa)