Bir neçə gün əvvəl «Bakcell» şirkəti Gəncədə 4G xidmətini istifadəyə verib.
Şirkətdən FED.az-a verilən məlumata görə, şirkətin Gəncədəki abunəçiləri 225 Mbit/s sürəti dəstəkləyən 4G/LTE texnologiyasından 1 manatdan 22 manata qədər ödəniş etməklə faydalan biləcəklər. 1 manatlıq paket 15 gün müddətinə nəzərdə tutulur. 2 manatlıq paket 1 aylıq olub 150 Mb-lıqdır. 22 manatlıq paket də 1 aylıq nəzərdə tutulsa da həcmi 20 Gb-dır.
Şirkətdən bildirdilər ki, 4G xidməti Gəncə şəhərinin mərkəzini və yaxın ətrafını əhatə edir. Gəncədən başqa Bakı və Abşeron yarımadasında da aktivdir.
Azercell-in 4G xidməti də Gəncə, Bakı Və Abşeron yarımadasında aktivdir. Burada sürət 20-30 Mbit-dən başlayır 100 Mbit-ə qədər yüksəlir. Qiymət aralığı 1 manatdan 30 manata qədərdir. 1 manatlıq paket 50 Mb, 30 manatlıq paket isə 50 Gb-lıqdır.
Nar Mobile operatorunun 4G xidməti isə yalnız Bakı və Gəncə şəhərlərini əhatə edir. Paketlər 1 manatdan 35 manata qədər dəyişir. 1 manatlıq paket 150 Mb olub 1 gün üçün, 35 manatlıq paket isə 40 Gb olub, 1 ay üçün nəzərdə tutulur.
Azərbaycanda 4G xidməti harada var? – ƏRAZİLƏR, QİYMƏTLƏR
11:29
17 Noy 2017
