2024-cü ildə Azərbaycana 439 milyon 952 min ABŞ dolları dəyərində 1 milyon 509 min 802 ədəd smartfon idxal edilib.

• Azərbaycan yodu xaricə neçəyə satılır? -ÖLKƏLƏR, QİYMƏTLƏR

FED.az bu barədə Dövlət Statistika Komitəsinin hesabatına istinadən xəbər verir.

Bu əvvəlki illə müqayisədə bu göstərici say baxımından 242 min 763 ədəd və ya 19,2%, dəyər baxımından isə  105,6 milyon ABŞ dolları və ya 31,6% çoxdur.

2023-cü il ərzində ölkəyə 334 milyon 346.8 min dollar dəyərində 1 milyon 267 min ədəd smartfon gətirilmişdi

Hesabat dövründə ölkəyə gətirilən smartfonun bir ədədinin orta idxal qiyməti 495 manata bərabər olub. Bu da illik 46 ədəd və ya 10% çoxdur.

2023-cü ildə 1 ədəd smartfonun orta idxal qiyməti 449 manat idi.

Bu dövrdə ölkəyə smartfon əsasən Çindən (1 200 754 ədəd), Vyetnamdan (229 799 ədəd), Hindistandan (74 658 ədəd) və Amerika Birləşmiş Ştatlarından ( 3 225 ədəd ), Birləşmiş Ərəb Əmirliklərindən ( 416 ədəd) gətirilib.

Bu məhsul ən yüksək qiymətə Almaniyadan 3 125 manata, Malayziyadan  2 594 manata, Kanadadan 1 930 manata, Amerika Birləşmiş Ştatlarından 1925 manata, Ukraynadan isə 1 915 manata idxal edilib.

Ən aşağı qiyməti İndoneziyadan 404 manata, Hindistandan 450 manata, Çindən 477 manata, Vyetnamdan 583 manata, Fransadan 792 manata, Birləşmiş Ərəb Əmirliklərindən 857 manata gətirilib.