“Apple" məhsullarında boşluq (CVE-2023-37450) aşkarlanıb.

Rusiyada ilk dəfə olaraq “Apple” şirkətinə qarşı inzibati protokol - TƏRTİB EDİLİB

FED.az xəbər verir ki, bu barədə Elektron Təhlükəsizlik Xidməti məlumat yayıb.

Boşluq “WebKit” brauzer mühərrikində mövcuddur və hədəf cihazın istifadəçilərini zərərli məzmun mövcud olan veb-səhifələrə yönləndirir.

Boşluğun istismarı kiberdələduza ixtiyari kod icra etməyə, fərdi məlumatları ələ keçirməyə, manipulyasiya etməyə və silməyə imkan verir.

Boşluq aşağıdakı məhsullara təsir göstərir:

1) iPhone 6s (bütün modellər);

2) iPhone 7 (bütün modellər);

3) iPhone SE (1-ci nəsil);

4) iPhone 8 və daha sonrakı;

5) iPad 5-ci nəsil və daha sonrakı;

6) iPad Air 3-cü nəsil və daha sonrakı;

7) iPad Air 2;

8) iPad mini 4-cü nəsil və daha sonrakı;

9) iPad Pro (bütün modellər);

10) iPod Touch (7-ci nəsil);

11) macOS Big Sur, Monterey və Ventura;

Təsirə məruz qalan məhsulların ən son versiyaya yenilənməsi tövsiyə olunur.