Apple-ın yeni i iPhone Xs Max modelinin 1449 dollara çatan qiyməti müzakirə mövzusu olub.
FED.az xəbər verir ki, qiyməti 1099 dollardan başlayan iPhone Xs Max-ın 512 GB-lıq modelinin ABŞ üçün elan edilən satış qiyməti 1449 dollardır.
Apple ilk modelini 2007-ci ilin iyun ayında 499 dollara bazara çıxartmışdı. Beləliklə Apple, 499 dollarla daxil olduğu ağıllı telefon bazarında qiymətlərini 950 dollar və ya 190% artmışdır.
Apple 11 il ərzində 21 fərqli iPhone modeli təqdim edib. Şirkət bu ana qədər 1.4 milyard ədəd ağıllı telefon satıb. Bazar dəyəri 1 trilyon dolları aşan şirkətin təkcə iPhone-dan əldə etdiyi gəlir 900 milyard dollardır.
2007-ci ildə ən bahalı iPhone modeli olan 8 GBL-ıq iPhone 599 dollara satılmışdı.
