İKT

4G “Nar” şəbəkəsi artıq Zərdabda

4G “Nar” şəbəkəsi artıq Zərdabda | FED.az
19:13 8 Noy 2019

Abunəçilərini yüksəkkeyfiyyətli 4G şəbəkəsi ilə təmin edən “Nar” bütün ölkə ərazisində əhatə dairəsini genişləndirməyə davam edir. 

FED.az xəbər verir k, mobil operator daha bir rayonda – Zərdabda ilk dördüncü nəsil LTE texnologiyasına əsaslanan baza stansiyasını quraşdırıb. Bununla da, “Nar” 4G texnologiyalı baza stansiyalarını Azərbaycanın 54 regionunda quraşdırmağa nail olub. Hazırda mobil operatorun regionlarda quraşdırdığı 4G baza stansiyalarının sayı 1400-dən çoxdur.

Eləcə də bax: “Nar” 4G istifadəçilərinin sayı il ərzində - 85% ARTIB

Qeyd edək ki, “Nar” Bakı və Abşeron yarımadası ilə yanaşı, bölgələrdə yaşayan abunəçilərinə də xüsusi diqqəti ilə seçilir və regionlarda da 4G baza stansiyalarının sayını sürətlə artırır. Hazırda ölkə əhalisinin 92 faizi, ölkə ərazisinin isə 74,3 faizi (işğal olunmuş ərazilər istisna olmaqla) “Nar”ın yüksək keyfiyyətli 4G şəbəkəsindən yararlanır.

Eyni zamanda, “Nar” Azərbaycanın ucqar kəndlərini belə mobil rabitə xidmətlərilə təmin edir. Mobil operatorun 4G istifadəçilərinin 67 faizi Bakının, 33 faizi isə regionların payına düşür. Hazırda “Nar” 8600-dən çox baza stansiyası ilə 2,3 milyondan çox abunəçiyə yüksəkkeyfiyyətli xidmət göstərir.

Digər xəbərlər