İKT

2019-cu ildə yeni patent üzrə - İLK 10-LUQ AÇIQLANIB

2019-cu ildə yeni patent üzrə - İLK 10-LUQ AÇIQLANIB | FED.az
19:30 1 May 2020

Aprelin sonunda, bir sözlə ötən günlərdə Əqli (intellektual) Mülkiyyət üzrə Ümumdünya Təşkilatı yeni patentlərin sayına görə ölkələrin reytinqini tərtib edib.

FED.az biznes və maliyyə xəbərləri portalı digitalazerbaijan.az-a istinadən xəbər verir ki, ekspertlərin qiymətləndirməsinə görə 2019-cu ildə bütün dünya üzrə patentlərin qeydiyyata alınması ilə bağlı bütövlükdə 265 800 ərizə ilə müraciət edilmişdir. Ərizələrin sayı ötən illə müqayisədə 5,2% çoxdur. İlk dəfə olaraq Çin ABŞ-ı qabaqlayaraq reytinqdə liderliyi ələ ala bilmişdir. Ötən ilə qədər liderliyi 40 ildən çox idi ki, ABŞ qoruyub saxlayırdı. İlk onluğa daxil olan ölkələrin siyahısı isə aşağıdakı kimidir:

1.     Çin –  58 990 patent

2.     ABŞ-  57 840

3.     Yaponiya-  52 660

4.     Almaniya-  19 353

5.     Cənubi Koreya-  19 085

6.     Fransa- 7 934

7.     Britaniya – 5 786

8.     İsveçrə- 4 610

9.     İsveç- 4 185

10. Niderland ( keçmiş Hollandiya)-  4 011

Araşdırmanın məlumatına görə patentin qeydiyyata alınması ilə bağlı təqdim edilmiş sənədlərin 52,4%-ə yaxını Asiya ölkələrinin payına düşür.  Avropa və Şimali Amerikanın hər birinin payı 25%-dən az təşkil etmişdir.

Hesabatda ekspertlər Yaponiyanı xüsusi qeyd etmişlər. Belə ki, bu gündoğan ölkə elmi-tədqiqat xüsusilə yüksək texnologiyalar və robototexnika sahəsində lider ölkələrdən biri hesab edilir. Elmi-tədqiqat və işlənmə (research and development) büdcəsi 130 milyard ABŞ dolları təşkil edir. Tədqiqat araşdırma işində Yaponiyada 700 000 alim işləyir.

Digər xəbərlər

Banner