Banner

İdman

Teymur Rəcəbov Levon Aronyana qalib gələrək - “Airthings Masters”in Çempionu Oldu

Teymur Rəcəbov Levon Aronyana qalib gələrək - “Airthings Masters”in Çempionu Oldu | FED.az
21:08 3 Yan 2021

Bu gün “Champions Chess Tour” çərçivəsində rapid üzrə onlayn keçirilən “Airthings Masters” turnirinin final mərhələsinin həlledici matçında qalib müəyyən olunub.

FED.az-ın məlumatına görə, xəbər verir ki, final mərhələsinin ikinci matçında Azərbaycan şahmatçısı Teymur Rəcəbov erməni rəqibi Levon Aronyanla mübarizə aparıb.

34 yaşlı şahmatçı finalda Ermənistan təmsilçisi Levon Aronyana qalib gəlib. Yanvareın 2-də keçirilən ilk görüşdə rəqibini 2,5:1,5 hesabı ilə məğlub edən həmyerlimiz bu gün ikinci dueldə də rəqibindən üstün olub. Rəcəbov 3 görüşdən sonra (0,5:0,5, 1:0, 0,5:0,5) ikinci qələbəni əldə edərək (2:1) çempion tituluna yiyələnib. Atrıq 4-cü görüşün heç bir əhəmiyyəti qalmadığından oynanılmayıb. 

Qalib gələn teymur Rəcəbov göz yaşlarını saxlaya bilməyib. 

Teymur bu qələbə sayəsində 60 min dollar mükafata da sahib olub.  

Qeyd edək ki, 200 min dollar mükafat fondu olan turnirdə 12 şahmatçı mübarizəyə başlayıb. Dairəvi sistemlə keçirilən ilk mərhələdən sonra 8 iştirakçı nokaut sistemi ilə yarışı davam etdirib. Teymur Rəcəbov Airthings Masters" turnirinin dörddəbir finalında Rusiya təmsilçisi Yan Nepomnyaşini, yarımfinalda bu ölkənin digər şahmatçısı Daniil Dubovu məğlub edib.

Banner

Digər xəbərlər