Formula 1 Azərbaycan Qran Prisinə ən çox bilet Niderland və Böyük Britaniyadan alınıb.
Bakı Şəhər Halqası: "Bu il bilet satışında bütün rekordları qırmışıq"
FED.az xəbər verir ki, bunu jurnalistlərə açıqlamasında Bakı Şəhər Halqası (BŞH) Əməliyyat Şirkətinin mətbuat katibi Turab Teymurov deyib.
T.Teymurov qeyd edib ki, 2023-cü ilin Formula 1 Azərbaycan Qran Prisinə bilet satışı indiyə qədər keçirilən yarışlardan daha sürətli satılır.
O qeyd edib ki, tribunaların bir çoxuna bilet satışı artıq tamamilə satılıb.
“Qalan tribunalarda isə çox az yer qalıb. Abşeron tribunasının B seksiyası, Filarmoniya tribunası, Sahil tribunası və Bulvar tribunasına biletlər tam satılıb. Muğam tribunasına isə çox az bilet qalıb.
Görünür növbəti günlərdə bu tribunaya biletlər bitəcək.
Statistikaya görə bu il bilet satışlarında bütün rekordları qırmışıq. Formula 1 artıq yeddinci ildir ki, ölkəmizdə keçirilir və bu il ilk dəfədir ki, bu cür nailiyyətlər əldə etmişik”, - deyə o bildirib.
Qeyd edək ki, 2023-cü il Formula 1 Azərbaycan Qran Prisi 28–30 aprel tarixlərində keçiriləcək. (Trend)
