Aşağı qiymətə tur paketlərin satışını təşkil edəcəyi adı altında vətəndaşları aldadan şəxs saxlanılıb.
9 100 dollar rüşvət alıb ki, gömrükdə malları – «TEZ RƏSMİLƏŞDİRƏCƏK» – CİNAYƏT İŞİ AÇILDI
Daxili İşlər Nazirliyindən FED.az-a verilən məlumata görə, Suraxanı Rayon Polis İdarəsinin 32-ci Polis Bölməsinə naməlum şəxsin çoxsaylı vətəndaşları ölkə daxilində aşağı qiymətə tur paketlərin satışını təşkil edəcəyi adı altında aldadaraq onların pul vəsaitlərini ələ keçirdiyi barədə məlumatlar daxil olub.
Müəyyən olunub ki, qeyd edilən qanunsuz əməl 1994-cü il təvəllüdlü Abşeron rayon sakini Elmin Dadaşov tərəfindən törədilib və o, saxlanılaraq istintaqa təqdim edilib. E. Dadaşov sosial şəbəkələrdə turizm şirkəti səhifəsi yaradaraq zərərçəkənlərin pul vəsaitlərini onlayn yolla əldə edib və sonradan ələ keçirdiyi pul vəsaitərini ödəniş sistemləri vasitəsi ilə nağdlaşdırıb.
Faktlarla bağlı araşdırmalar davam etdirilir.
Bildirilib ki, E. Dadaşovun əməllərindən zərərçəkən şəxslər bu barədə polis orqanlarına müaciət edə bilərlər.
