Səfərbərlik və Hərbi Xidmətə Çağırış üzrə Dövlət Xidməti qurumda korrupsiya halları ilə bağlı vəziyyəti və görülən tədbirləri açıqlayıb.
Arayışa görə vətəndaşdan 8 min manat rüşvət istədilər - SAXLANILDILAR
FED.az xəbər verir ki, 2023-cü ilin mayından etibarən, yəni 2 ildən də az müddətdə qurumda korrupsiya ilə bağlı onlarla hal aşkarlanıb, inzibati tədbirlər görülüb və cinayət işləri açılıb.
Belə ki, qanunları pozan vəzifəli şəxslər barəsində xidməti yoxlamalar aparılaraq 2023-cü ildə 78 əməkdaş, ötən ildə 249 əməkdaş, 2025-ci ilin birinci rübündə isə 39 əməkdaş – yəni ümumilikdə 370-ə yaxın əməkdaş barədə intizam tənbehi və təşkilati-ştat tədbirləri görülüb.
Pozuntuya yol verən 3 nəfər əməkdaş mənfi motivlə ehtiyata buraxılıb və əmək müqaviləsinə xitam verilib.
Bundan başqa, 157 nəfərə cinayət işi açılıb. Belə ki, 2023-cü ildə 15 fakt üzrə 22 nəfər, 2024-cü ildə 51 fakt üzrə 95 nəfər, 2025-ci ilin ilk 3 ayında isə 12 fakt üzrə 40 nəfər barəsində toplanmış materiallar Baş Prokurorluğa göndərilib.
Yeri gəlmişkən, Səfərbərlik Xidmətində korrupsiya hallarının qarşısını almaq üçün hərbi xidmətə çağırılan vətəndaşların tibbi şəhadətləndirilməsi, yəni xidmətə yararlı olub olmadığını müəyyən etmək funksiyası Prezident İlham Əliyevin fərmanı ilə Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinə həvalə edilib.
Dövlət Xidməti burada korrupsiya halları və sair qanunsuz tələblə üzləşən vətəndaşların 9100 Çağrı Mərkəzinə və ya [email protected] elektron ünvanına müraciət etməsini xahiş olunur.
