Salyan rayonunda inşaat materialları mağazasında oğurluq olub.

Eləcə də bax: Gömrük postunun rəisi 192 min manatlıq - DƏLƏDUZLUQ EDİB

FED.az biznes və maliyyə xəbərləri portalı Report-a istinadən xəbər verir ki, hadisə noyabr ayında qeydə alınıb.

Belə ki, İ.Ağayevə məxsus inşaat materialları mağazasından ümumilikdə 65 min manat pul oğurlanıb.

Salyan Rayon Polis Şöbəsi əməkdaşları tərəfindən keçirilən əməliyyat-axtarış tədbirləri nəticəsində hadisəni törətməkdə şübhəli bilinən mağazanın mühasibi Ruslan Mustafayev saxlanılıb.

İstintaqda ifadə verən R.Mustafayev bildirib ki, həmin pulların bir qismini Bakıda yeyib-içməyə, bahalı hotellərdə gecələməyə xərcləyib.