Hüquq

Rüşvət alan gömrük işçisinin - MƏHKƏMƏSİ BAŞLAYIB - RÜŞVƏTİN MƏBLƏĞİ

Rüşvət alan gömrük işçisinin - MƏHKƏMƏSİ BAŞLAYIB - RÜŞVƏTİN MƏBLƏĞİ | FED.az
11:18 18 Okt 2019

Bakı Ağır Cinayətlər Məhkəməsində rüşvət almaqda ittiham edilən Namiq Əsədovun cinayət işi üzrə hazırlıq iclası keçirilib.

FED.az xəbər verir ki, hakim Azər Paşayevin sədrliyi ilə keçirilən iclasda təqsirləndirilən şəxsin anket məlumatları dəqiqləşdirilib.

Eləcə də bax: Rüşvətə görə işdən çıxarılan gömrük əməkdaşının məhkəməsinin vaxtı - MƏLUM OLUB

N.Əsədovun vəkili məhkəməyə vəsatətlə müraciət edərək, müdafiə etdiyi şəxs barəsində seçilmiş həbs-qətimkan tədbirinin dəyişdirilməsini, onun ev dustaqlığına buraxılmasını istəyib. Məhkəmə vəsatəti təmin etməyib.

Məhkəmənin baxış iclası oktyabrın 25-nə təyin edilib.

Qeyd edək ki, DGK-nın Daxili Təhlükəsizlik İdarəsinin əməkdaşlarının apardığı araşdırmalar nəticəsində Bakı Baş Gömrük İdarəsi Gömrük Əməliyyatları İdarəsi Gömrük prosedurları və ödənişləri şöbəsinin böyük inspektoru, gömrük xidməti polkovnik-leytenantı Namiq Firudin oğlu Əsədovun "Liebherr-Azeri LLC" MMC-nin ünvanına Almaniyadan daxil olan malların gömrük rəsmiləşdirilməsini prosesini qısa müddət ərzində yekunlaşdırmaq müqabilində şirkət nümayəndəsindən qeyri-qanuni olaraq 350 manat tələb etdiyi müəyyən edilib.

O da məlum olub ki, N.Əsədov şirkət nümayəndəsinə tələb etdiyi qeyri-qanuni vəsaiti birbaşa deyil, broker şirkətlərində kompüter operatoru vəzifəsində çalışan şəxslər vasitəsilə çatdırmağı tapşırıb. Lakin Daxili Təhlükəsizlik İdarəsi əməkdaşlarının keçirdiyi əməliyyat nəticəsində N.Əsədovun əməli ifşa edilib. Dövlət Gömrük Komitəsi sədrinin müvafiq əmri ilə N.Əsədov tutduğu vəzifədən azad edilib.

Faktla bağlı toplanmış materiallar hüquqi qiymət verilməsi üçün Baş Prokurorluğuna göndərilib və daha sonra barəsində Cinayət Məcəlləsinin 311-ci (rüşvət alma) maddəsi ilə cinayət işi başlanılıb.

Report

Digər xəbərlər