Hüquq

Nazirlik “Gilan Holding”i - MƏHKƏMƏYƏ VERDİ

Nazirlik “Gilan Holding”i - MƏHKƏMƏYƏ VERDİ | FED.az
12:43 21 Noy 2019

Azərbaycan Ekologiya və Təbii Sərvətlər Nazirliyi 5 saylı Regional Ekologiya və Təbii Sərvətlər İdarəsi “Gilan Holding” MMC-ni məhkəməyə verib. 

FED.az xəbər verir ki, Sumqayıt İnzibati-İqtisadi Məhkəməsinə müraciət edən nazirlik şirkətin “Jalə” İstirahət Mərkəzinin fəaliyyətinin dayandırılmasına dair iddia tələbi sürüb. 

Eləcə də bax: “Gilan Holdinq” xariclə valyuta əməliyyatlarına görə - CƏRİMƏLƏNİB

İddia ərizəsi məhkəmənin dəftərxanasına kağız daşıyıcıda 13 noyabr 2019-cu il tarixdə daxil olub. 

Məhkəmə iddia ərizəsi üzrə materialları yoxlayaraq hesab edib ki, iddia ərizəsi geri qaytarılmalıdır. 

Belə ki, məhkəmə sənədlərinin məhkəməyə və proses iştirakçılarına çatdırılması "Elektron məhkəmə" informasiya sistemində yaradılan elektron kabinet vasitəsilə həyata keçirilir.

Geyd olunanlara əsasən məhkəmə hesab edib ki, iddia ərizəsi məhkəməyə "Elektron məhkəmə" informasiya sistemində yaradılan elektron kabinet vasitəsilə göndərilmədiyindən geri qaytarılmalıdır.

Qeyd edək ki, “Gilan Holding” MMC Fövqəladə Hallar Naziri Kəmaləddin Heydərova məxsusdur. Şirkəti isə nazirin oğlu Tale Heydərov idarə edir.

Modern

Digər xəbərlər