Hüquq

“Mətbəx Aləmi” şirkəti - CƏRİMƏ EDİLİB

“Mətbəx Aləmi” şirkəti - CƏRİMƏ EDİLİB | FED.az
12:33 4 Noy 2019

Maliyyə Bazarlarına Nəzarət Palatası “Mətbəx Aləmi” MMC-nin inzibati qaydada cərimələnməsi iki protokol tərtib edib.

FED.az xəbər verir ki, Yasamal Rayon Məhkəməsi protokollara əsasən, şirkəti 8675 ABŞ dolları və 143353 Rusiya rublu cərimə edib.

Eləcə də bax: Azərbaycanın böyük tikinti şirkəti böyük məbləğdə - CƏRİMƏLƏNİB

Şirkət İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.

Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.

Yasamal Rayon Məhkəməsinin qərarlarından MMC-nin direktoru Türanə Ağayeva tərəfindən verilmiş apelyasiya şikayətlərinə Bakı Apelyasiya Məhkəməsində baxılır.

Qeyd edək ki, “Mətbəx Aləmi” MMC mebel və interyer avadanlığının satışı ilə məşğul olan şirkətdir. 

Digər xəbərlər