Bakının mərkəzində dəbdəbəli butiklərə sahib olan “İTALDİZAYN” QSC Azərbaycan Mərkəzi Bankı tərəfindən cərimələnir.
Eləcə də bax: Mərkəzi Bank Rusiyadakı azərbaycanlı milyardçını - Məhkəməyə Verdi
FED.az Banker.az-a istinadən xəbər verir ki, pərakəndə ticarətlə məşğul olan “İTALDİZAYN” barəsində İnzibati Xətalar Məcəlləsinin 430.4-cü maddəsi ilə tərtib edilən cərimə protokolu 13 sentyabr 2021-ci il tarixdə, Bakı Şəhəri Nərimanov Rayon Məhkəməsinə göndərilib.
Bu maddə İXM-də valyuta tənzimi qaydaları pozulmasına görədir.
Belə ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
Şirkətlər nə zaman cərimələnir?
Sahibkar müqavilə bağlayaraq, xarici şirkətə ödəniş edib, sövdələşdiyi vaxt yox, 2 il müddət çərçivəsində malı həmin şirkətdən ya almalı, ya da ödədiyi maliyyə vəsaitini geri qaytarmalıdır. Bunlara əməl etmək mümkün olmadıqda isə sahibkarlara Azərbaycan Respublikası Mərkəzi Bankı tərəfindən, müqavilə məbləğinin 20-30 faizi civarında cərimə protokolu tərtib olunur.
“İTALDİZAYN” 1997-ci ildə yaradılıb. Azərbaycanda riteyl (butik və mağazalar), aqrar sahə, restoranlara sahibdir.
