Hüquq

Məhkəmə cərimələnən şirkət barədə qərarı - ELAN EDİB

Məhkəmə cərimələnən şirkət barədə qərarı - ELAN EDİB | FED.az
14:20 27 Yan 2020

Bakı Apellyasiya Məhkəməsində “Xəzər İnşaat-XXI əsr” MTK barəsində olan məhkəmə qərarından verilən apellyasiya şikayətinə baxılıb.

Eləcə də bax: Azərbaycanda inzibati-iqtisadi məhkəmələr - LƏĞV EDİLİB

FED.az xəbər verir ki, hakim Rəşad Abdulovun sədrliyi ilə keçirilən prosesdə qərar elan olunub.

Qərara əsasən, MTK-nın apellyasiya şikayəti təmin edilməyib, qərar dəyişdirilmədən saxlanılıb.

Qeyd edək ki, Azərbaycan Maliyyə Bazarlarına Nəzarət Palatası “Xəzər İnşaat-XXI əsr” MTK barəsində inzibati xəta haqqında protokol tərtib edib, baxılması üçün Suraxanı Rayon Məhkəməsinə göndərib.

Məhkəmə şirkəti İnzibati Xətalar Məcəlləsinin 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsi ilə təqsirli bilnərək, 2373 ABŞ dolları məbləğində cərimələnməsi haqda qərar çıxarıb.

Qərardan narazı qalan şirkət apellyasiya şikayəti verib.

Xatırladaq ki, 2012-ci ildən fəaliyyət göstərən “Xəzər İnşaat-XXI əsr” MTK Bakının müxtəlif hissələrində hündürmərtəbəli binaların tikintisini həyata keçirir.

Report

Digər xəbərlər