Səbail Rayon Məhkəməsi “Broker” MMC-nin rəhbəri Əbülfəz Məlikovla bağlı qərar verib.
Bələdiyyə sədrinin cinayət işi - MƏHKƏMƏYƏ GÖNDƏRİLDİ
FED.az xəbər verir ki, hakim Şahin Abdullayevin sədrliyi ilə keçirilən iclasda qərar elan olunub.
Qərara əsasən, Ə.Məlikov ev dustaqlığına buraxılıb.
Xatırladaq ki, Əbülfəz Məlikov Dövlət Təhlükəsizliyi Xidmətində (DTX) Dövlət Gömrük Komitəsinin yüksək vəzifəli şəxsləri barəsində davam edən cinayət işi çərçivəsində həbs edilmişdi.
Şirkət rəhbəri barəsində Cinayət Məcəlləsinin 209.3 (gömrük ödənişlərinin ödənilməsindən yayınma, xüsusilə külli miqdarda törətdikdə), 213.3 (vergiləri ödəməkdən yayınma – xüsusilə külli miqdarda törədildikdə) və 313 (vəzifə saxtakarlığı) maddələri ilə cinayət işi başlanmışdı. (Unikal)
