Azərbaycanda İtalyan mütəxəsislərin nəzarəti altında istehsal edilən “Savalan” şərabının sahibi cərimələnir.
Eləcə də bax: Emin Ağalarovun Bakıdakı şirkətləri - CƏRİMƏLƏNİR
FED.az biznes və maliyyə xəbərləri portalı Banker.az-a istinadən xəbər verir ki, Azərbaycan Respublikası Mərkəzi Bankı şərab istehsalçısı “ASPİ Agro” MMC barəsində İnzibati Xətalar Məcəlləsinin 430.4-cü maddəsi ilə cərimə protokolu tərtib edib, Qəbələ Rayon Məhkəməsinə göndərib.
Bu maddə İXM-də valyuta tənzimi qaydaları pozulmasına görədir.
Belə ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
Şirkət nə zaman cərimələnir?
Sahibkar müqavilə bağlayaraq, xarici şirkətə ödəniş edib, sövdələşdiyi vaxt yox, 2 il müddət çərçivəsində malı həmin şirkətdən ya almalı, ya da ödədiyi maliyyə vəsaitini geri qaytarmalıdır. Bunlara əməl etmək mümkün olmadıqda isə sahibkarlara Azərbaycan Respublikası Mərkəzi Bankı tərəfindən, müqavilə məbləğinin 20-30 faizi civarında cərimə protokolu tərtib olunur.
Qəbələdə 2000-ci ildə yaradılan “ASPİ Agro” MMC “Savalan” şərabları Daniel D’Andrea və Eliza Vaqnoni kimi ixtisaslı italyan texnoloqlarının rəhbərliyi altında istehsal olunur. Şərablar daxili və xarici bazarlara çıxarılır.
