Tanınmış iş adamı Bəxtiyar Əzizli ilə bağlı polisə müraciət daxil olub.
FED.az xəbər verir ki, Bakı Şəhər Baş Polis İdarəsinə müraciət edən 1983-cü il təvəllüdlü İqrar İsgəndərov ərizəsində Bəxtiyar Əzizlinin ona məxsus 200 min manat pulu ələ keçirdiyini bildirib.
Eləcə də bax: Azərbaycanda şirkət rəhbəri məhkəmə zalında - HƏBS EDİLDİ
Şikayətçi qeyd edib ki, 1984-cü il təvəllüdlü Bəxtiyar Kamal oğlu Əzizli 2021-ci ilin dekabr ayında onu aldadaraq pulu alıb və daha sonra geri qaytarmayıb.
Toplanmış materiallar Bakı Şəhər Baş Polis İdarəsindən ərazi üzrə Binəqədi Rayon Polis İdarəsinə göndərilib. Araşdırmalar davam etdirilir.
Qeyd edək ki, B.Əzizli 2016-cı ildə neft sektorunda ixtisaslaşan “TOBOİL” və “Neftgen” şirkətlərini təsis edib. O, 2020-ci ildə “Baxmedia” şirkətini yaradıb. (Qafqazinfo)
