Hüquq

“Gilan Holdinq”ə qarşı - 1,56 MİLYON DOLLARLIQ CƏRİMƏ

“Gilan Holdinq”ə qarşı - 1,56 MİLYON DOLLARLIQ CƏRİMƏ | FED.az
11:47 25 Dek 2019

Ləğv edilən Maliyyə Bazarlarına Nəzarət Palatası “Gilan Holding” MMC barəsində cari ilin noyabrında 5 inzibati-cərimə protokolu (Holdinq tərəfindən apelyasiyaya verilən şikayətlər əsasında) tərtib edibmiş.

FED.az Banker.az-a istinadən xəbər verir ki, 2019-cu ilin noyabr ayı ərzində İnzibati Xətalar Məcəlləsinin 430.4-cü maddəsi ilə inzibati tənbeh tədbirinin tətbiq edilməsinə dair Bakı şəhəri Yasamal Rayon Məhkəməsində qərarlar verilib.

Eləcə də bax: “Gilan Holdinq” xariclə valyuta əməliyyatlarına görə - CƏRİMƏLƏNİB

Məlum olan 5 məhkəmə qərarına əsasən, Bakı Apelyasiya Məhkəməsində holdinqin apelyasiya şikayəti təmin edilməzsə 1,56 mln. ABŞ dolları həcmində cərimə ödəməli olacaq. Hazırkı Azərbaycan milli valyutası (USD/AZN: 1,7000) ilə ifadədə bu 2,64 mln. manat olması deməkdir.

Adıçəkilən qərarlara hazırda Bakı Apelyasiya Məhkəməsində baxılır.

Qeyd edək ki, İXM-nin 430-cu maddəsi valyuta tənzimi qaydalarının pozulmasına aid edilir. 4-cü bənd isə Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə-  hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.

2019-cu ilin noyabr ayı ərzində

ABŞ dolları

         632,209.6

         896,628.8

           14,916.2

              9,149.7

              1,702.2

CƏMİ

     1,554,606.5

 

Digər xəbərlər