Bakı şəhər sakini olan bir nəfərin bank kartından oğurluq edilməsi barədə polisə məlumat daxil olub.
Bank kartlarından oğurluq etməkdə şübhəli bilinən şəxslər saxlanılıb
Bu barədə FED.az-a Daxili İşlər Nazirliyi (DİN) məlumat verib.
Bildirilib ki, Nərimanov RPİ 17-ci Polis Şöbəsinin əməkdaşları tərəfindən aparılan araşdırmalarla tanışının həmin şəxsin mobil telefonunda olan bank tətbiqdən istifadə etməklə onun 1241 manatını oğurlaması məlum olub.
Oğurluq əməlini törətməkdə şübhəli bilinən 24 yaşlı Aydın Məşiyev polis əməkdaşları tərəfindən saxlanılıb.
17-ci Polis Şöbəsi əməkdaşlarının keçirdikləri digər tədbir nəticəsində isə sentyabrın 10-da bir nəfərin bank kartını oğurlamaqda və həmin kartla 144 manat məbləğində alış-veriş etməkdə şübhəli bilinən qadın müəyyən olunaraq saxlanılıb.
Faktlarla bağlı araşdırma aparılır.
