Banner

Hüquq

Azərbaycanda icraçılar fiziki və hüquqi şəxslərə - 1,74 MİLYARD MANAT ÖDƏTDİRİBLƏR

Azərbaycanda icraçılar fiziki və hüquqi şəxslərə - 1,74 MİLYARD MANAT ÖDƏTDİRİBLƏR | FED.az
09:25 23 Yan 2020

Ədliyyə Nazirliyinin vacib funksiyalarından olan məhkəmə qərarlarının icrası sahəsində ötən il də böyük iş həcmi olub. Belə ki, 2019-cu ildə icra qurumlarına daxil olan icra işlərinin sayı 861 mini ötüb, onlardan 485 mindən çoxunun icrası təmin edilib.

Eləcə də bax: Konstitusiya Məhkəməsi 270 günlük cərimələr ilə bağlı – QƏRAR VERDİ

FED.az xəbər verir ki, bu barədə Ədliyyə Nazirliyində yerli icra və probasiya qurumlarının rəhbərlərinin iştirakı ilə 2019-cu ildə icra və probasiya xidmətləri tərəfindən məhkəmə və digər orqanların qərarlarının icrası və probasiya nəzarəti sahəsində görülmüş işlərin və qarşıda duran vəzifələrin müzakirəsinə həsr olunmuş geniş müşavirədə məlumat verilib.

Bildirilib ki, fiziki və hüquqi şəxslərə əvvəlki illə müqayisədə 50 faizdən çox – 1,74 milyard manata yaxın vəsait ödətdirilib. Bunun da 143 milyon manatdan çoxu aliment işləri üzrə ödəmələrdir. Qalan işlərin icrası üzrə tədbirlər davam etdirilir. Qərarların icrasına maneçilik törədən, icra məmurlarının qanuni tələblərini yerinə yetirməyən 4712 şəxs inzibati məsuliyyətə cəlb edilib, o cümlədən 2808 nəfər inzibati qaydada həbs olunub. Məhkəmə qərarlarının icrasından qərəzli yayınan 493 şəxs barəsində isə cinayət işi başlanılıb.

Azərtac

Digər xəbərlər

Banner