Banner

Hüquq

Azərbaycanda araq istehsal edən şirkət - CƏRİMƏLƏNDİ

Azərbaycanda araq istehsal edən şirkət - CƏRİMƏLƏNDİ | FED.az
14:56 13 Fev 2020

Azərbaycanda spirtli içki istehsal edən “Kristall Plus” Qapalı Səhmdar Cəmiyyəti inzibati qaydada cərimə edilib.

FED.az xəbər verir ki, Binəqədi Rayon Məhkəməsi valyuta tənzimi qaydalarını pozduğuna görə, şirkətin 90 569 Rusiya rublu (təxminən 2500 manat) miqdarında inzibati qaydada cərimə olunması barədə qərar çıxarıb.

“Kristall Plus” QSC İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.

Qərardan şirkət tərəfindən verilmiş apellyasiya şikayətinə Bakı Apellyasiya Məhkəməsində baxılır.

Qeyd edək ki, əsası 2004-cü ildə qoyulan "Kristall Plus” QSC Azərbaycanda, eləcə də onun sərhədlərindən kənarda konyakın, eyni zamanda, tünd və sərt içkilərin istehsalı, qablaşdırılması və satışını həyata keçirir.

Hal-hazırda zavod "ProbaGold", "Medovaya", "ProbaSilver", "Zubrovka", "Starka", "Zernovaya", "Kubanskaya" kimi tünd, eləcə də "Oxota", Konyak 3* kimi müxətlif məhsullar istehsal edir.

Report

Digər xəbərlər

Banner