Banner

Hüquq

Azərbaycan 1 milyon avro dələduzluğa görə türk iş adamını - AXTARIŞA VERİB

Azərbaycan 1 milyon avro dələduzluğa görə türk iş adamını - AXTARIŞA VERİB | FED.az
12:53 10 İyun 2020

Azərbaycan hüquq-mühafizə orqanları türkiyəli iş adamı barəsində axtarış elan edib.

Eləcə də bax: 30 nəfəri aldadan tikinti şirkətinin rəhbəri - MƏHKƏMƏ QARŞISINDA

FED.az xəbər verir ki, bu barədə Bakı şəhər Baş Polis İdarəsinin saytında məlumat yerləşdirilib.

Məlumatda qeyd olunur ki, Ali Osman Kutanoğlu Cinayət Məcəlləsinin 178-ci (dələduzluq) və 182-ci (hədə-qorxu ilə tələb etmə) maddələri ilə təqsirli bilinir.  

Türkiyə mətbuatından əldə edilən məlumata görə, Ali Osman Kutanoğlu azərbaycanlı iş adamlarına qarşı dələduzluq etməkdə və onları şəxsi həyatları ilə bağlı şantaj etməkdə şübhəli bilinərək 2017-ci ilin iyulunda İstanbulda saxlanılıb. Məhkəmə tərəfindən barəsində həbs qətimkan tədbiri seçilən Ali Osman Kutanoğlu istintaq təcridxanasına göndərilib. O, təxminən 1 ay sonra sərbəst buraxılıb.

Qeyd edək ki, Ali Osman Kutanoğlu azərbaycanlı iş adamlarına qarşı ümumilikdə 1 milyon 240 min avro dələduzluq edib. (Apa)

Digər xəbərlər

Banner