Azərbaycanda əsasən avtobus və yük avtomobillərinin satışını həyata keçirən “Grand Motors” MMC sərnişindaşıma həyata keçirən şirkəti məhkəməyə verib.
Eləcə də bax: Məşhur tikinti şirkəti "Azərişığ"ı - Məhkəməyə Verib
FED.az Banker.az-a istinadən xəbər verir ki, şirkət “Xaliq Faiqoğlu” MMC ilə bağlı kommersiya məhkəməsinə müraciət edib.
Müraciətin səbəbi müqavilədən (alqı-satqı) irəli gələn öhdəliklər üzrə mübahisədir. Məsələyə Bakı Apelyasiya Məhkəməsində baxılır.
“Xaliq Faiqoğlu” Bakı şəhəri daxilində ictimai sərnişindaşımaları həyata keçirən şirkətdir.
““Grand Motors” MMC 2005-ci ilin sentyabr ayında təsis edilmişdir. Azərbaycan bazarının tikinti, kənd təsərrüfatı, istirahət və əyləncə sektorunu hədəf götürən şirkət fəaliyyətini bu istiqamətdə qurmuşdur.
Hazırda şirkət dünyada tanınmış 14 istehsalçının Azərbaycanda rəsmi təmsilçisidir. Bunlar aşağıdakılardır: New Holland Construction, CIFA, New Holland Agricultural, Shantui, Foton, Macshio Gaspardo, Sea Ray, Kawasaki, Davino, Fassi, Pramac, Zorn İnstruments, Sulzer, Weber.
