Hüquq

Ağdaşda fəhlənin ölümü ilə bağlı - CİNAYƏT İŞİ BAŞLADI

Ağdaşda fəhlənin ölümü ilə bağlı - CİNAYƏT İŞİ BAŞLADI | FED.az
10:56 7 Mart 2020

Ağdaşda fəhlənin ölümü ilə bağlı cinayət işi başlayıb.

Eləcə də bax: İş yerində ölən işçinin ailəsi nə qədər ödəniş almalıdır? - HESABLAMA, MƏBLƏĞLƏR

FED.az xəbər verir ki, ötən gün Ağdaş rayon Dəhnəxəlil kəndində fəaliyyət göstərən “Kafkaz” QSC-yə məxsus Beton Zavodunda çalışan fəhlə Hacıyev Mahir Mürsəl oğlunun faciəli şəkildə ölümü ilə bağlı cinayət işi başlanıb.

Məlumata görə, rayonun Ləki qəsəbə sakini M.Hacıyev Ləki-Qəbələ dəmiryolunun tikintisini həyata keçirən “Kafkaz” QSC-yə məxsus Beton Zavodda qaynaqçı işləyirmiş. Ayın 6-da işə gələn M.Hacıyev işlək vəziyyətdə olan beton qarışdıran qurğunun içərisinə düşərək ölüb.

Meyit daxili və xarici müayinə üçün ekspertizaya göndərilib.

Faktla bağlı Ağdaş Rayon Prokurorluğu tərəfindən Cinayət Məcəlləsinin 162.2-ci (əmək mühafizə qaydalarını pozma, zərərçəkmişin ölümünə səbəb olduqda) maddəsi ilə cinayət işi başlanıb.

Oxu

Digər xəbərlər