Dövlət Gömrük Komitəsinin Biləsuvar Gömrük İdarəsi Əməliyyat və Təhqiqat Şöbəsinin rəisi Cəfərov Mahir Sabir oğlu vəzifəsindən azad olunub.
FED.az biznes və maliyyə xəbərləri portalı «Unikal»a istinadən xəbər verir ki, bununla bağlı Dövlət Gömrük Komitəsinin sədri general-leytenant Şahin Bağırov əmr imzalayıb.
Bir qədər sonra rəisin işdən çıxarılmasının səbəbləri məlum olub. Məlum olub ki, Dövlət Gömrük Komitəsi tərəfindən Biləsuvar Gömrük İdarəsində keçirilmiş əməliyyat tədbirləri zamanı külli miqdarda qaçaqmal – siqaret aşkar edilib. Əməliyyat zamanı 1000 blok siqaret və külli miqdarda dərmanlar ələ keçirilib.
Belə ki, Asif və İlqar adlı gömrük əməkdaşları saxlanılıb, onlardan izahat alındıqdan sonra buraxılıblar. İran vətandaşı izahatında bunlara pul verdiyini qeyd edib.
