2024-cü ilin 9 ayı ərzində (yanvar-sentyabr) Azərbaycana 1 milyard 268 milyon 436 min ABŞ Dolları dəyərində 66 min 285 ədəd nəqliyyat vasitələri (avtomobillər) idxal olunub.
Azərbaycanda “İdxal-ixrac əməliyyatlarının tənzimlənməsi Qaydaları” dəyişib - FƏRMAN
FED.az bu barədə Dövlət Gömrük Kimitəsinin aylıq hesabatına istinadən xəbər verir.
2023-cü ilin 9 ayı ərzində (yanvar-sentyabr) Azərbaycana 1 milyard 207 milyon 206 min dollar dəyərində 72 min 883 ədəd nəqliyyat vasitələri idxal olunmuşdu.
Beləliklə, nəqliyyat vasitələrinin idxalı miqdar ifadəsində 6 min 598 ədəd və ya 9% azalıb, dəyər ifadəsində 61 milyon 229 min dollar və ya 5% artıb.
2024-cü ilin 9 ayı ərzində (yanvar-sentyabr) Azərbaycana 1 milyard 105 milyon 537 min dollar dəyərində 59 min 479 minik avtomobilləri idxal olunub. Ötən ilin eyni dövründə ölkəmizə 1 milyard 91 milyon 749 min dollar dəyərində 67 min 453 ədəd minik avtomobilləri gətirilmişdi. Beləliklə, bu il 7 min 974 ədəd daha az minik avtomobilləri idxal olunub.
Azərbaycana hibrid, elektrik, yük avtomobillərinin və xüsusi texnikaların idxalı isə artıb.
