Xəbər verildiyi kimi, bu gün yanvarın 3-də ABŞ hökuməti Cənubi Amerikanın ən böyük dövlətlərindən olan Vnesuelaya hücum edib. İlkin məlumatlara görə, onlarla hədəfə endirilən zərbələrlə müşayiət olunan hücum zamanı ölkə prezidenti Nikolas Maduro və onnu həyat yoldaşı ABŞ həbçiləri tərəfindən həbs edilib.

FED.az xəbər verir ki, ABŞ prezidenti Donald Tramp Venesuela prezidenti və onun ailəsinin həbs edilərək - faktiki olaraq oğurlanaraq - ölkədən çıxarıldığını elan edib. Artıq ABŞ-dan gələn il məlumatlara görə, Maduro ABŞ məhkəməsində mühakimə olunacaq.

Birləşmiş Ştatlar Venesuela hökumətini narkotik qaçaqmalçılığında ittiham edir, bu əməliyyatdan bir neçə həftə əvvəl ABŞ Venesuelanın sahil xəttini zənarətə götürərək burada 30-a yaxın kateri məhv etmiş və nəticədə 100 nəfər həlak olmuşdu. Amma sonradan da etiraf edildiyi kimi, həmin şəxslərin narkotiklərlə bağlı olması barədə sübut yoxdur. 

Qeyd edək ki, Venesuela – dünyada ən böyük neft yataqlarına malik ölkədir. Son məlumatlara görə, bu ölkədə ümumilikdə 303 milyard barel neft ehtiyatı mövcuddur. Bu göstərci ilə Venesuela Səudiyyə Ərəbistanı və İranı qabaqlayır. Hazırda neft qlobal iqtisadiyyatda ən strateji əhəmiyyətli resurslardan biri olaraq qalır. Son illər bərpa olunan enerjinin artmasına baxmayaraq, neft hələ də qlobal enerji ehtiyaclarının ödənilməsində əsas rolu oynayır.

Bu vizuallaşdırma ölkələri 2025-ci ilin sonuna olan sübut olunmuş neft ehtiyatlarına görə sıralayır. Məlumatlar Neft İxrac Edən Ölkələr Təşkilatının (OPEC) 2025-ci il üçün İllik Statistik Bülleteninə əsaslanır. Rəqəmlər sübut olunmuş neft ehtiyatlarını əks etdirir və milyardlarla barellə təqdim olunur. Statistikaya həm ənənəvi xam neft yataqları, həm də tərkibində neft olan qumlar aiddir. Beləliklə,

Venesuela 303 milyard barel ehtiyatla birinci yerdədir.

Lakin ölkə bu nəhəng sərvəti iqtisadi və geosiyasi təsirə çevirməkdə çətinlik çəkir: davam edən ABŞ sanksiyaları, eləcə də Tramp administrasiyası dövründə Venesuela neft ehtiyatlarının son dövrlərdə ələ keçirilməsi Nikolas Maduro hökumətinin neft ixrac etmək və ehtiyatlarını tam şəkildə pula çevirmək qabiliyyətini əhəmiyyətli dərəcədə məhdudlaşdırır.

Səudiyyə Ərəbistanı 267 milyard barel ilə ikinci yerdədir. İlk beşliyi İran (209 milyard barel), Kanada (163 milyard barel) və İraq (145 milyard barel) tamamlayır.

OPEC-ə üzv olmayan ölkələr arasında Kanada 163 milyard barel ehtiyatla dünyada dördüncü yerdədir. Kanadanın ehtiyatlarının əsas hissəsi neft qumlarındadır - hasilatı daha baha başa gələn və daha yüksək karbon izinə malik neft mənbəyidir.

Birləşmiş Ərəb Əmirliklərində 113 milyard barel, Küveytin 102 milyard barel, Rusiyanın isə 80 milyard barel neft ehtiyatı var. 

Liviyanın neft ehtiyatları 48 milyard barel, ABŞ-ın neft ehtiyatları 45 milyard barel, nigeriyanın ehtiyatları isə 37 milyard bareldir.

Göründüyü kimi, dünyanın ən böyük neft ehtiyatlarının əhəmiyyətli bir hissəsi OPEC üzv ölkələrində, əsasən Yaxın Şərqdə cəmləşib. Səudiyyə Ərəbistanı, İran, İraq, Küveyt və Birləşmiş Ərəb Əmirlikləri bu bölgənin əsasını təşkil edir.

Statistikaya görə, Qazaxıstanda 30 milyard barel, Azərbaycanda isə 7 milyard barel təsdiqlənmiş neft ehtiyatı var. 

Bu ölkələr aşağı istehsal xərcləri və asanlıqla əldə edilə bilən böyük yataqlardan faydalanırlar. Nəticədə, qlobal tələbat artımı yavaşlasa da, Yaxın Şərq istehsalçılarının əsas neft təchizatçıları olaraq qalması gözlənilir.