Rusiyanın “Urals” markalı nefti 1999-cu ilin səviyyəsinə düşüb.
Eləcə də bax: Azərbaycan neftinin son qiyməti - AÇIQLANDI
FED.az bu barədə "report"a istinadən xəbər verir.
“Argus Media”nın məlumatına əsasən, Şimal-qərbi Avropada (Rotterdam limanı) “Urals” neftinin CİF müqavilə qiyməti 16,2 dollar/barel olub.
Martın 27-dəki bu satış qiyməti 1999-cu ildən bu yana minimal səviyyədir.
Həftə ərzində “Urals” nefti 5,51 dollar/barel ucuzlaşıb. Bu markalı neftin bir barelinə görə endirim isə 1,25 dollar artaraq, 4,75 dollar olub, bu isə 2008-ci ildən indiyədək ən maksimum endirimdir.
Qeyd edək ki, hazırda London birjasında "Brent" markalı neftin bir bareli 23 dollar, Nyu-York birjasında WTI markalı neftin bir bareli 20 dollar ətrafında ticarət olunur.
