Neftin kəskin ucuzlaşması və manatın mümkün devalvasiyası ilə bağlı məlumatlar 2015-ci il və ondan sonra iqtisadiyyatda baş verən dəyişiklikləri gündəmə gətirib.

Eləcə də bax: "Neftin qiyməti 1 il belə qalsa, Azərbaycana ciddi mənfi təsir - EDƏ BİLƏR"

FED.az ölkənin əsas valyuta mənbəyi olan neft-qazın ölkə iqtisadiyyatındakı payını 2014-2019-ci illər üzrə müqayisə edib.

Dövlət Gömük Komitəsinin məlumatlarına görə, 2014-cü ilin yekununa, ölkənin ixracının 91,97%-i neft qaz məhsullarının, yalnız 8,03%-i qeyri-neft sektorunun  payına düşüb. 

Belə ki, 2014-cü ildə ölkədən ümumi ixrac 21 milyard 828,6 milyon dollar olub. Bunun 18 milyard 404,9 milyon dolları xam neftin, 1 milyard 365 milyon dolları neft məhsullarının, 304,7 milyon dolları təbii qazın payına düşüb.

Eləcə də bax: Azərbaycan nefti 10 dollar ucuzlaşıb - SON QİYMƏT

İqtisadiyyatdan qeyri-neft ixracı isə 1 milyard 754 milyon dollar təşkil edib. Həmin dövrdə dolların məzənnəsinin 0,78 manat olduğunu nəzərə alsaq, qeyri-neft ixracı 1 milyard 368,1 milyon manat olub.

2019-cu ildə Azərbaycandan cəmi ixrac 19 milyard 635,6 milyon dollar təşkil edib. Bunun 14 milyard 814,1 milyon dolları xam neftin, 462,8 milyon dolları neft məhsullarının, 2 milyard 366,8 milyon manatı təbii qazın payına düşüb. 2019-cu ildə iqtisadiyyatdan qeyri-neft ixracı 1 milyard 991,8 milyon dollar təşkil edib. İndiki məzənnəni nəzərə aldıqda, bu 3 milyard 386 milüon manat deməkdir. 

Başqa sözlə, son 5 il ərzində ölkədən xaricə qeyri-neft ixracının həcmi dollarda cəmi 237,8 milyon, manat ifadəsində isə təqribən 2 milyard manat artıb.