Banner

Energetika

SOCAR xarici ölkədə 5 YDM-i - İCARƏYƏ GÖTÜRƏCƏK

SOCAR xarici ölkədə 5 YDM-i - İCARƏYƏ GÖTÜRƏCƏK | FED.az
12:08 11 İyun 2020

“SOCAR Petroleum SA Romania” şirkəti (SOCAR-ın Rumıniyadakı "törəmə"si)” “IPECO S. A.” şirkəti tərəfindən istismar edilən 5 yanacaqdoldurma məntəqəsini (YDM) icarəyə götürməyi planlaşdırır.

Eləcə də bax: Cənubi Qafqaz Boru Kəmərinin texniki operatorluğu - SOCAR-A KEÇDİ

FED.az xəbər verir ki,  "Rumıniyanın Rəqabət Şurası "SOCAR Petroleum SA "şirkətinə Gorj vilayətində “İPECO S. A.” tərəfindən idarə olunan 5 YDM-nin istismara verilməsi hüququ verən sövdələşməni nəzərdən keçirir", - deyə Rumıniyanın antiinhisar orqanı bildirir.

Şuranın məlumatına görə, sövdələşmə təsdiqlənərsə, “SOCAR Petroleum SA” tərəfindən 5 yanacaqdoldurma məntəqəsi uzunmüddətli icarə əsasında istismar ediləcək.

Sövdələşmənin məbləği açıqlanmır.

“Rumıniyanın Rəqabət Şurası bu ilin aprel ayında “Aral MTB SRL” şirkətinin nəzdində fəaliyyət göstərən 6 yanacaqdoldurma məntəqəsinin istifadə hüququnun 10 il müddətinə “SOCAR Petroleum SA”ya keçməsinə icazə verib.

Hazırda Rumıniyanın 20 regionunda “SOCAR” brendi ilə 53 YDM fəaliyyət göstərir. Şirkət bu ölkədəki yanacaqdoldurma məntəqələrinin sayını 60-a çatdırmağı planlaşdırır.

SOCAR Rumıniyada neft məhsullarının pərakəndə satışı bazarında fəaliyyətə 2011-ci ildən başlayıb. (İnterfaks)

Digər xəbərlər

Banner