Energetika

SOCAR Pakistan şirkətlərinə kreditlə - BENZİN VƏ LNG TƏKLİF EDİB

SOCAR Pakistan şirkətlərinə kreditlə - BENZİN VƏ LNG TƏKLİF EDİB | FED.az
08:34 3 Mart 2021

BP-nin hesabatına görə, LNG qaz yanacağı bazarının geniş yayılmasına görə, qarşıdakı dövrdə bütün dünyada təbii qaza tələbat artacaq.

FED.az xəbər verir ki, Avropa ölkələri LNG idxalını 2019-cu illə müqayisədə 7% azaldıb. Hazırda LNG bazarının 3 başlıca iştirakçısı – Qətər, Avstraliya və ABŞ-dır.

Azərbaycan da LNG bazarındakı iştirak payını daha da artırır.

“SOCAR Trading” şirkəti 2016-cı ildən LNG (maye qaz) bazarında distribüter qismində geniş fəaliyyət göstərərək ötən qısa müddət ərzində xeyli təcrübə toplaya bilib.

Bu yaxınlarda “SOCAR Trading” hökumətlərarası saziş əsasında “Pakistan LNG LTD” və “Pakistan State Oil” şirkətlərinə il ərzində kreditlə benzin, LNG tədarükünü də təklif edib.

Həmçinin, Ukraynanın LNG bazarında da iştirak edən “SOCAR Trading” ölkəyə bu məhsulu idxal edən şirkətlər arasında səkkizinci yerdədir.

Daxili bazara gəldikdə isə SOCAR brendi altında fəaliyyət göstərən sıxılmış maye qaz doldurma məntəqələrinin sayı hazırda 32-dir. Gələcəkdə gözlənilən tələbat artımı nəzərə alınmaqla bu rəqəmi daha da artırmaq nəzərdə tutulur.

Banner
Banner

Digər xəbərlər