Energetika

SOCAR orta aylıq maaşını - AÇIQLADI

SOCAR orta aylıq maaşını - AÇIQLADI | FED.az
14:22 2 Sen 2020

2019-cu ildə Azərbaycan Dövlət Neft Şirkətinin (SOCAR) əmək haqqı və digər ödənişləri 763,2 milyon manat təşkil edib. 

Eləcə də bax: SOCAR təbii qazın maya dəyərini - Açıqladı

FED.az xəbər verir ki, bu barədə şirkətin 2019-cu ildəki fəaliyyəti ilə bağlı illik hesabatında bildirilir.

Sənədə əsasən, bu, 2018-ci il ilə 81 milyon manat və yaxud 10% çoxdur.

Ötən il işçilərə hesablanmış əmək haqqı və digər ödənişlərin tərkibində vəzifə (tarif) maaşları 380,5 milyon manat və yaxud əmək haqqı fondunun 50%-i qədər olub. 

Hesabat dövründə SOCAR-ın işçilərin orta aylıq əmək haqqı 1 234 manat təşkil edib ki, bu da illik müqayisədə 113 manat və yaxud 10% çoxdur. 

Əmək haqqı fondunun, eləcə də işçilərin orta aylıq əmək haqqının artması “SOCAR-ın srtukturuna daxil olan qurumlarda fəaliyyət göstərən işçilərin tarif (vəzifə) maaşlarının artırılması haqqında” əmr-qararla bağlıdır. Bu əmr-qərara əsasən, SOCAR-da çalışan işçilərin tarif (vəzifə) maaşları 01.09.2019-cu il tarixdən 20% artırılıb, habelə şirkətdə işçilərin əməyinin ödənilməsi sisteminin təkmilləşdirilməsi üzrə mütamadi işlər aparılır.  (Report)

Digər xəbərlər