Energetika

SOCAR-ın Müşahidə Şurasının növbəti iclası keçirilib

SOCAR-ın Müşahidə Şurasının növbəti iclası keçirilib | FED.az
11:35 12 Aprel 2021

Azərbaycan Dövlət Neft Şirkətinin (SOCAR) Müşahidə Şurasının (MŞ) növbəti iclası keçirilib.

“Fitch” SOCAR-ın uzunmüddətli reytinqini - Təsdiqləyib

FED.az xəbər verir ki, bu barədə Azərbaycan İnvestisiya Holdinqindən bildirilib.

Məlumata görə, iclasda ölkə prezidentinin SOCAR-la bağlı verdiyi tapşırıqların icra vəziyyəti müzakirə olunub.

MŞ-nın sədri Mikayıl Cabbarov vurğulayıb ki, dövlət başçısının tapşırıqlarına uyğun olaraq, Şura şirkətin funksionallığını daha da artırmaq istiqamətində fəaliyyət göstərir, qabaqcıl təcrübə və idarəetmə tələbləri çərçivəsində şirkətin fəaliyyətinin səmərəliliyinin yüksəldilməsi, idarə olunmasının müasir korporativ idarəetmə standartları nəzərə alınmaqla təkmilləşdirilməsi üçün şirkətin İdarə Heyəti ilə əməkdaşlıq müstəvisində müvafiq addımlar atır. Prezident fərmanına əsasən, şirkətin uzunmüddətli inkişaf strategiyasının müəyyən olunması istiqamətində işləri davam etdirilir.

İclasda SOCAR-ın prezidenti Rövnəq Abdullayev və İdarə Heyətinin üzvləri şirkətin 2020-ci il üzrə audit olunmamış, konsolidə edilmiş maliyyə nəticələrini təqdim ediblər. Şirkətin maliyyə nəticələrinin daha da yaxşılaşdırılması, ölkə prezidentinin fərmanından irəli gələn vəzifələrin icrasının təmin edilməsi məqsədilə həyata keçiriləcək növbəti tədbirlər müzakirə edilib.

İclas iştirakçıları SOCAR-in inzibati binasında təşkil edilmiş “Azərbaycan nefti” sərgisi ilə tanış olublar. Sərgidə Azərbaycan neft tarixinin həlledici mərhələlərini, neft ənənələrini, Ümummilli Lider Heydər Əliyevin uğurlu neft strategiyası nəticəsində əldə olunmuş nailiyyətləri, neftçilərin fədakar əməyini əks etdirən şəkil və eksponantlar nümayiş olunur.

İclas iştirakçıları həmçinin, şirkətin binasında yaradılmış böhran vəziyyətlərinin və fövqəladə halların idarə edilməsi otağının açılışında iştirak ediblər.

MŞ ölkə prezidentinin “Azərbaycan Respublikası Dövlət Neft Şirkətinin idarə edilməsinin təkmilləşdirilməsinə dair tədbirlər haqqında” 23 yanvar 2021-ci il tarixli fərmanına əsasən yaradılıb.(report)

Banner
Banner

Digər xəbərlər